Tujiepushe na Ghasia za Aina yoyote,Ukipiga kura Nenda nyumbani.

Rais Uhuru Kenyatta ametoa wito kwa wapiga kura nchini humo kuondoka kwenye vituo vya kupigia kura na kwenda nyumbani baada ya kupiga kura.hayoameyaongea katika hotuba kwa taifa kabla ya uchaguzi mkuu Jumanne, amesema wananchi wapige kura kwa amani.

Awali muungano wa upinzani uliwashauri wafuasi wake kutoondoka vituo baada ya kupiga kura “ ili kulinda kura”,Lakini baadaye, muungano huo ulibadilisha mtazamo huo na kuwashauri waondoke baada ya kupiga kura.

"Bila kujali matokeo ya uchaguzi huu, ni lazima tuendelee kushikamana kwa pamoja kama wananchi. Na kikubwa zaidi,tukatae ghasia au majaribio yoyote ya kutugawa," aliongeza Kenyatta.

Aidha Polisi wamewataka wananchi kuheshimu sheria ya kutokuwa karibu na vituo vya kupigia kura umbali wa mita 400 baada ya kupiga kura.