Gor Mahia wamekubali kushindwa Mbele ya Everton.

Hatimae ule mchezo uliokuwa ukisubiriwa kwa hamu kubwa,unaozikutanisha Timu ya Everton toka uingereza na timu ya Gor mahia toka nchini kenya umeendelea leo,pale uwanja wa taifa wa Tanzania mchezo ulioletwa kwa udhamini wa Sportpesa.

Historia kubwa imeandikwa kwa vijana wa Gor mahia kuonesha kandanda safi ambapo panapo dakika ya 34 ya mchezo,Rooney aliiandikia Everton goli la kwanza ambapo dakika 3 baadae kwenye dakika ya 37 mchezaji wa Gor Mahia “Tuyisenge”alisawazisha goli hilo ambapo matokeo yalidumu hivyo mpaka kipindi cha kwanza kinamalizika.

Hakika mashabiki wamekutana na burudani ya hali ya juu sana,huku kipindi cha pili kikianza kwa Gor Mahia kuweka ulinzi wa kutosha lakini kwenye dakika ya 81 “Kieran Dowell” aliiandikia Everton goli la pili na kufanya mchezo kumalizika kwa ushindi huo wa goli 2-1.

Tukio moja la shabiki wa Manchester United ambaye alikuwa anashuhudia mchezo huu alishindwa kuzuia hisia zake mpaka akaingia katikati ya uwanja na kwenda kumkumbatia Wyne Rooney,mpaka polisi waliokuwepo uwanjani hapo walipokwenda kumtoa.