Stars imeunasa Ushindi wa tatu Cosafa Cup 2017 dhidi ya Lesotho.

Baada ya kupoteza mchezo wake wa nusu fainali dhidi ya Timu ya taifa ya Zambia ,Timu ya taifa ya Tanzania Taifa Stars,imeshuka dimbani kuchuana na Timu ya Lesotho kumsaka mshindi wa tatu.

Kwenye michuano ya Cosafa inayoelekea ukingoni kwa mchezo uliofanyika pale kwenye uwanja wa Moruleng.

Mchuano huo ulianza huku kila timu ikikamia ili kujiweka vizuri kimatokeo na kuufanya mchezo kuonekana mgumu kwani mpaka kipindi cha kwanza kinamalizika hakuna timu iliyochungulia nyavu za mwenzake.lakini pia kipindi cha pili kilionekana kuwa kigumu pia na kuufanya mchezo kumalizika kwa suluhu kwenye dakika 90 za mchezo.

Ambapo mikwaju ya penalti ilitakiwa kuamua mshindi wa mchezo huo,na hatimae Stars imeibuka kidedea kwa mikwaju 4-2 ya penalti na kuwa washindi watatu kwenye michuano hiyo.