Singida United Yapania kuleta Ushindani VPL.

Kocha wa Singida United Hans van Pluijm ameonekana kuridhishwa na kiwango kilichooneshwa na wachezaji wake kwenye mchezo wa kirafiki dhidi ya Yanga licha ya kufungwa 3-2 na mabingwa wa kihistoria wa ligi kuu Tanzania bara.

Pluijm amesema wachezaji wake wamecheza kwa kwa kufuata maelekezo japokuwa kulikuwa na makosa machache ambayo benchi la ufundi watakaa na kuyafanyia kazi.

“Wamecheza kwa kuzingatia maelekezo tuliyowapa licha ya kupoteza mechi lakini bado nimevutiwa sana kiufundi na hicho ndio kitu muhimu tulichokuwa tunakitaka.”

Magoli ya Yanga yamefungwa na Thabani Kamusoko, Amisi Tambwe na Emanuel Martin wakati Singida United wao walifunga kupitia kwa Danny Usengimana na Shafiq Batambuze.