Rais Magufuli na Rais Museveni wa Uganda wameweka jiwe la msingi Mradi wa Ujenzi wa Bomba la Mafuta kutoka Hoima Uganda mpaka bandari ya Tanga.

Rais wa Jamhuri ya Muungano wa Tanzania Dkt. John Pombe Magufuli na mgeni wake, Rais wa Uganda Yoweri Museveni wakivuta utepe kuashiria uwekaji wa jiwe la msingi la mradi mkubwa wa bomba la mafuta ghafi kutoka Hoima Uganda hadi Tanga huku viongozi mbalimbali wa Tanzania na Uganda wakishuhudia. Shughuli hiyo ilifanyika katika kijiji cha Chongoleani nje kidogo ya jiji la Tanga.

Rais wa Jamhuri ya Muungano wa Tanzania Dkt. John Pombe Magufuli akiwa na Rais wa Uganda Yoweri Museveni wakiwa katika picha ya pamoja na waandishi wa habari mbalimbali waliohudhuria shughuli ya uwekaji wa jiwe la msingi la mradi mkubwa wa bomba la mafuta ghafi kutoka Hoima Uganda hadi Tanga.

Na baada ya kukamilika kwa zoezi hilo Rais Magufuli,mke wake Mama Janeth Magufuli, Makamu wa Rais Samia Suluhu Hassan, Waziri Mkuu Kassim Majaliwa waliweza kumuaga Rais wa Uganda Yoweri Museveni kwenye uwanja wa ndege wa Tanga.

Wananchi waliojitokeza kwa wingi kushuhudia zoezi hilo walionekana wakifurahia wakati wa hotuba ya Rais Magufuli na hivyo kulifanya zoezi hilo kukamilika katika hali ya kufana,lakini pia wasanii waliweza kutumbuiza na kuonesha hali ya uzalendo na nyuso zao za bashasha.