Raia wa Kenya Wamerejea Makazini,Baada ya Uchaguzi Kumalizika.

Baadhi ya raia wa kenya wameonekana kupuuza wito kwa kiongozi wa upinzani Raila Odinga wa kususia kazi leo kwa kusisitiza kutokubaliana na matokeo ya uchaguzi wa urais,ambapo siku kadhaa zilizopita biashara nyingi zilifungwa huku watu wakihofia kuzuka kwa fujo kutokana na hali ya siasa baada ya uchaguzi.

Tofauti na hapo awali kwani kwa sasa, biashara zimeanza kufunguliwa,baadhi ya wanachi wa kenya wakionekana kwenye maeneo tofauti wakiendelea kufanya kazi kujipatia riziki zao.

Rais Kenyatta alipata kura 8, 203, 290 ambayo ni asilimia 54.27 naye Bw Odinga akapata kura milioni 6,762,224 ambayo ni asilimia 44.74.

Bw Odinga, aliyewania urais kupitia muungano wa upinzani National Super Alliance (Nasa) amekataa kukubali matokeo ya uchaguzi yaliyotangazwa na Tume ya Taifa ya Uchaguzi (IEBC). Nao Muungano wa Nasa umedai mitambo ya tume ya uchaguzi ilidukuliwa na matokeo kuchakachuliwa kuhakikisha Bw Kenyatta anashinda.

Waangalizi wa kimataifa kutoka Umoja wa Afrika, Umoja wa Ulaya na Jumuiya ya Madola, miongoni mwa wengine, ambao walisema uchaguzi huo ulikuwa huru na wa haki.