Mamia Wahofiwa Kufa Kwenye Maporomoko ya Ardhi huko Sierra Leone.

Idadi ya watu waliouwa kwnye maporomoko ya ardhi nchini Sierra Leone bado haijulikani,ambapo eneo moja la milima liliporomoka mapema leo Jumatatu kufuatia mvua kubwa, na kusababisha nyumba nyingi kufukiwa na hata baadhi ya usafiri binafsi kuharibiwa vibaya kutokana na adha hiyo.

"Tulikuwa ndani, tukasikia udongo ukikaribia, tukaanza kutangatanga kwa kukimbia, nilijaribu kumchukua mtoto wangu, lakini udongo ulikuja kwa haraka sana na sikufanikiwa kumuokoa”.hii ni hali iliyowakumba raia wa eneo hilo ambapo kila mmoja alikuwa na kilio chake kwa kulilia wapendwa aliowapoteza kwenye maafa hayo.

Maafisa wa usalama wanasema kuwa ni mapema sana kutoa idadi kamili ya watu waliouawa,kwa mda mchache sana watu wameweza kupashana habari hii yenye simanzi kwa kupitia mitandao ya kijamii,kwa kutumiana picha za mafuriko kwenye eneo la ndani na nje ya mji wa Free town.