Hati hizi ni sawa na Mtaji(88)-Waziri Lukuvi.

Waziri wa Ardhi, Nyumba na Maendeleo ya Makazi, Mhe. William Lukuvi amekabidhi hatimiliki 88 kwa wakazi wa Kimara, jijini Dar es Salaam ambapo hati 4333 ambazo ziko kwenye hatua za mwisho katika mradi wa urasimishaji wa makazi holela. 

Mhe. Lukuvi amesema hizi hati ni mtaji uliofufuliwa baada ya wakazi kukaa na kuendeleza maeneo yasiyopimwa ,hivyo kuondokana na mtaji mfu kwani hakuna mtu yeyote ambaye angeweza kupata mkopo bila ya kuwa na hati.

Mhe. Lukuvi amesema kuwa Serikali ya awamu ya Tano inayo dhamira ya dhati ya kurasimisha makazi nchi nzima ili kuongeza thamani ya ardhi au maeneo husika. Ardhi yenye hatimiliki thamani yake inaongezeka kwani inatambuliwa na taasisi za fedha ambazo ni rahisi kukopesha wenye hati.

“Kwa hati hizi zilizotolewa takribani 4333 tukisema kila nyumba ikopeshwe kwa kiwango cha chini cha shilingi milioni 10, kwa siku ya leo Kimara inapata mtaji wa karibu bilioni 40.5”.aliongeza Waziri Lukuvi.