Haruna Niyonzima Aungana na Okwi-Simba day.

Haruna Niyonzima amekuwa gumzo kwenye Simba Day kutokana na namna ambavyo amesajiliwa lakini kubwa akiwa ametoka kwa watani wao wa jadi Yanga ,ambapo amekuwa mmoja ya wachezaji ambao leo ameichezea klabu yake ya Simba dhidi ya Rayon Sport kutoka Rwanda huku mchezo ukimalizika kwa Simba kupata ushindi wa goli 1-0.

Lengo kubwa la mchezo huo lilikuwa ni kutambulisha kikosi cha Simba kitakachocheza mashindano mbalimbali msimu ujao. Imekuwa desturi kwa Simba kutambulisha wachezaji wao siku ya August 8 kila mwaka huku siku hiyo ikijulikana kwa Simba Day.

Goli pekee la mchezo huo limefungwa na kiungo mshambuliaji Mohamed Ibrahim dakika ya 16 kipindi cha kwanza akiwa amepokea pasu kutoka kwa Emanuel Okwi na bao hilo kudumu kwa dakika zote za mchezo.

Miongoni mwa wachezaji wapya waliotambulishwa ni Aishi Manula, Said Mohamed ‘Nduda’, Erasto Nyoni, John Bocco, Paul Mukaba, Ally Shomari, Yusuph Mlipili na Salim Mbonde

Wengine ni Nicolas Gyan, Shomari Kapombe Emanuel Okwi na Haruna Niyonzima.