SINGIDA UNITED WAMEENDELEA KUJAZA KIKOSI CHA USHINDANI.

Singida United imemaliza usajili kwa na sasa ipo tayari kwa Ligi kuu Tanzania Bara. Singida United ambayo inatarajia kushiriki ligi kuu kwa mara ya kwanza imefanikiwa kumchukua nahodha wa timu ya APR ya Rwanda, Michel Rusheshangoga na beki wa kulia wa timu ya taifa ya nchi hiyo.

Michael Rusheshangonga ambaye ametwaa tuzo ya goli bora la msimu kwa ligi kuu ya Rwanda ametua nchini na kwenda moja kwa moja kuungana na wenzake waliopo kambini Mwanza.

Timu hiyo imejipanga kuleta ushindani na ikiwezekana kutwaa ubingwa wa ligi kuu msimu ujao, imemtambulisha rasmi mfungaji bora wa misimu miwili mfululizo ya ligi ya Rwanda, Dany Usengimana.