GOR MAHIA WAMEFIKA NCHINI TANZANIA KUWAVAA EVERTON.

Mshindi wa SportPesa Super Cup 2017, Gor Mahia kutoka nchini Kenya imewasili nchini Tanzania leo julai 11 2017, kwaajili ya mchezo wao wa kirafiki dhidi ya klabu ya Everton kutoka nchini Uingereza.

Mchezo huyo utachezwa Alhamisi hii Julai 13 katika Uwanja wa Taifa jijini Dar es salaam,Gor Mahia wanatarajia kuanza mazoezi ya mwisho pale uwanja wa taifa jijini Dares salaam.Huku timu ya Everton ikitarajiwa kuwasili nchini Jumatano hii huku ikiwa na mchezaji wake mpya, Wayne Rooney waliomsajili kutoka Manchester United.Na viingilio vya mchezo huo ni TSh 8000/= kwa VIP C na TSh 3000/= kwa viti vya mzunguko,pia mchezo unatarajiwa kuanza majira ya saa 11 jioni.

Tayari homa ya mpambano huo miongoni mwa mashabiki nchini imeendelea kuwa kubwa huku wengi wakiwa na shauku ya kuwaona nyota mbalimbali wa Everton kama vile Jordan Pickford, Ross Barkley, Idrissa Gana Gueye na wengine wengi.