Rooney akiri kutosahau Mapokezi na Ukarimu wa Watanzania.

Timu ya Soka ya Everton inayoshiriki ligi kuu nchini Uiungereza baada ya kumaliza ziara yake ya siku mbili nchini Tanzania,wameendelea kuonesha kufurahishwa na ukarimu walioupata toka kwa Watanzania kwa kupata mapokezi yasiyo na kifani.

Kupitia akaunti yake ya mtandao wa tweeter, Rooney aliwashukuru mashabiki wa Tanzania kwa kuiunga mkono Everton katika mchezo wao wa kirafiki dhidi ya timu ya Gor Mahia kutoka Kenya.”Great start to the pre-season,Special thanks to the fans supporting us in Tanzania”.

Kwa upande wa Kocha wa timu hiyo, Ronald Koeman alielezea kufarahia ziara ya kuja Tanzania na zaidi ni kutokana na hali ya urafiki iliyooneshwa na washabiki wa soka nchini.

Wachezaji hao wa Everton akiwemo “Rooney,Morgan Schneiderlin, Jonjoe Kenny na Kevin Mirallas” walipata fursa ya kujifunza tamaduni za kimsai, kujifunza kupika chakula cha asili,kutembelea shule yenye wanafunzi wenye mahutaji maalum na pia kufanya mazoezi na timu ya vijana wenye ulemavu wa ngozi "Albino United".

Makamu wa Rais, Mhe. Samia Suluhu Hassan ambaye alikuwa Mgeni Rasmi, Marais wastaafu, Ali Hassan Mwinyi na Dkt. Jakaya Mrisho Kikwete, Waziri wa Habari, Utamaduni, Sanaa na Michezo na wengine wengi waliweza kushuhudia mchezo huo.