RAISI MSTAAFU BENJAMIN WILIAM MKAPA AKABIDHI NYUMBA 50,ZA WATUMISHI WA AFYA.

Rais mstaafu wa Awamu ya Tatu, Benjamin Mkapa alitembelea na kuzindua nyumba 10 za wahudumu wa afya katika kijiji cha Mkungo, Wilaya ya Chato, Geita zilizojengwa na Taasisi ya Mkapa Foundation.

Akihutubia katika uzinduzi huo Rais Magufuli aliipongeza Taasisi ya Mkapa akisema anazipenda Taasisi zinazofanya kazi ya kuonekana na sio zinazoongea ongea.

“Mimi nazipenda sana Taasisi zinazofanya kazi kama hii ya Mkapa Foundation sio zinazotaka watoto wazae wakiwa shule. Taasisi za kila siku kwenye majukwaa mzinyime fedha, nataka Taasisi zinazofanya kazi inayoonekana sio za kuongea ongea tu”.

“Hata mimi yupo mtoto wa mdogo wangu amezalia nyumbani, mtoto anamuita John, wa pili anamuita Samia lakini hakubakwa. Tunafanya ukaguzi nchi nzima kuwajua waliotumia vibaya fedha za pembejeo ambazo ni zaidi ya Shilingi bilioni 1.5.” Aliongeza Rais Magufuli.

Rais Mstaafu wa awamu ya Tatu Benjamin Mkapa akimkabidhi Hati za Umiliki wa nyumba 50 za Watumishi wa Afya kwa Waziri wa Afya, Maendeleo ya Jamii,Jinsia, Wazee na Watoto Ummy Mwalimu katika uwanja wa michezo wa Mazaina Chato mkoani Geita.

Rais wa Jamhuri ya Muungano wa Tanzania Dkt. John Pombe Magufuli akimshukuru Rais Mstaafu wa awamu ya Tatu Benjamin Mkapa mara baada ya kukabidhi nyumba hizo 50 zitakazotumika katika Sekta ya Afya katika mikoa ya Kagera, Simiyu na Geita.