WAYNE ROONEY AMEKUA NA SHAUKU YA KUFIKA TANZANIA.

Nyota wa soka wa England Wayne Rooney, ambaye amekamilisha uhamisho wake kutoka Manchester United na kurejea Everton amesema anasubiri kwa hamu sana safari ya kwenda Tanzania.

"Naisubiri kwa hamu safari ya kwenda Tanzania,naamini itakuwa nzuri sana na natumai kwamba nitaweza kuingia uwanjani na kucheza,Huwa vyema sana unaposafiri na timu.kuwa hotelini na wachezaji, kujumuika nao na kuwafahamu zaidi.Sijawahi kwenda Tanzania, na kwa hivyo nasubiri sana kwenda huko".

Rooney, anayeongoza kwa ufungaji mabao England alitia saini mkataba wa miaka miwili Goodison Park Jumapili.Everton watacheza dhidi ya mshindi wa Kombe la Super Cup la SportPesa, Gor Mahia kutoka Kenya, katika mechi ya kirafiki Alhamisi.Mechi hiyo itakuwa ya kusherehekea udhamini mkubwa uliotolewa na Sportpesa kwa Everton.

Rooney, 31, tayari anafahamiana na baadhi ya wachezaji wa sasa wa Everton.Amewahi kucheza pamoja na Morgan Schneiderlin, Michael Keane, Phil Jagielka, Leighton Baines na Ross Barkley baadhi ya klabu na wengine timu ya taifa.