Ally Mustapha”Barthez” Akamata Mkataba Mpya Singida United.

Golikipa wa zamani wa Young Africans {Yanga}Ally Mustafa ‘Barthez’ July 19, 2017 ametangazwa rasmi kujiunga na club ya Singida United kwa ajili ya msimu ujao wa Ligi Kuu Tanzania Bara.

Barthez amesaini mkataba wa miaka miwili kuitumikia klabu hiyo inayofanya usajili wa aina yake msimu huu ukilinganisha na vilabu vingine ambavyo havina majina makubwa nchini.

Ally Mustafa anajiunga Singida United ambapo atakuwa katika ‘vita’ ya namba na golikipa wa sasa wa club hiyo Said Lubawa ambapo baada ya usajili huo Mkurugenzi wa Singida United Festo Richard Sanga alithibitisha kubakiwa na nafasi moja ya usajili.

”Kwangu mimi kwanza naona hakuna utofauti kati ya timu kubwa na Singida United. Mimi naona kawaida japo kuna jina kubwa na jina dogo kwa sababu Singida United imepanda Daraja msimu huu lakini Yanga ipo Ligi Kuu muda mrefu na timu kubwa.” - Barthez.