Timu ya Yanga yaunyemelea Ubingwa VPL kwa kasi baada ya kuichapa Toto Africans.

Timu ya soka yawana jangwani " Yanga" ya Dar es salaam imefikisha pointi 68,baada ya kuichapa timu ya Toto Africans kwa goli 1-0,na kuwafanya warudi kileleni mwa ligi kuu ya soka Tanzania bara.

Goli pekee la Yanga liliwekwa wavuni na Amis Tambwe kunako dakika ya 81 ya mchezo na kuwafanya watoke kifua mbele na kujinyakulia pointi tatu muhimu katika mchezo huo.

Timu hii ya wana jangwani inalitafuta kombe hili la ubingwa wa ligi kuu,kwa udi na uvumba ili kuweza kukamilisha misimu mitatu mfululizo katika kulichukua ambapo misimu miwili ya nyuma walinyakua kombe hilo.

Mpaka sasa wapo kwenye nafasi nzuri ya kulichukua kombe hilo linalonyemelewa kwa ukaribu na wapinzani wao timu ya wekundu wa msimbazi “Simba SC” .