Serengeti Boys na maandalizi ya mchezo wao dhidi ya bingwa mtetezi mali U-17.

Timu ya Taifa ya vijana yaTanzania chini ya umri wa miaka 17 Serengeti Boys kesho Mei 15 2017 itacheza mchezo wake wa kwanza wa Kundi B wa michuano ya AFCON U-17 dhidi ya timu ya taifa ya Mali ambao ndio Mabingwa watetezi wa Kombe hilo.

Kocha wa serengeti boys “Bakari shime“amesema wachezaji wake wako vizuri kimwili na kiakili na wamekuwa wakionesha morali ya kutaka kuwa machampioni wa mashindano hayo,anatambua na kuheshimu timu ya mali kwa kuwa mabingwa watetezi lakini vijana na benchi la ufundi wamejizatiti kwa mchezo huo.

Aidha ameishukuru TFF na watanzania kwa ujumla kwa kuendelea kuonesha mchango na nguvu kubwa katika kufanikisha timu kufika huko kwa wakati na kukiwezesha kikosi kuwa na muda mzuri wa maandalizi.