Rais mpya wa Ufaransa “Emmanuel Macron”aapishwa nchini humo.

Rais mpya wa Ufaransa, Emmanuel Macron, ameapishwa leo ikiwa ni wiki moja imepita tangu alipopata ushindi wa kishindo kwenye uchaguzi mkuu wa Urais nchini humo.

Bwana Macron ambaye ni Rais mdogo zaidi kiumri kuwahi kutokea nchini Ufaransa, ameahidi kufufua uchumi wa Ufaransa na kuleta mabadiliko kwenye mfumo wa siasa uliokuwa ukitumiwa hapo kabla.amesema anaamini atayaweza hayo yote kwa kupitia chama chake kipya cha The Republic on the Move.

Wachambuzi wa Masuala ya Kisiasa wanasema Rais Macron atashindwa kuleta mabadiliko aliyoyaahidi kama ilivyokuwa kwa mtangulizi wake Francois Hollande, ambaye aliahidi mabadiliko, lakini mpaka anaondoka amekuwa Rais asiye na umaarufu katika historia ya Ufaransa.