Kauli ya wizara na serikali juu ya uhuru wa vyombo vya habari nchini.

Waziri wa Habari, Sanaa, Utamaduni na Michezo, Dkt Harrison Mwakyembe amesema Tanzania inarekodi nzuri katika kuheshimu na kulinda uhuru vya habari miongoni mwa nchi za Afrika.

Aidha katika kujibu maswali ya Wabunge waliochangia Bajeti ya Wizara ya Habari kwa Mwaka wa fedha 2017/2018, Dkt Mwakyembe amesema hata utafiti uliofanywa kila mwaka na shirika la Waandishi wa Habari wasio na mipaka inaonyesha Tanzania imekuwa ikilinda uhuru huo wa vyombo vya habari. Imeweza kushika nafasi ya 83 katika takwimu iliyofanywa na shirika hilo la wanahabari wasio na mipaka.

“Mimi ninachosema na naomba waheshimiwa wabunge mnielewe nasema laiti hawa reporters without borders wangekuwa wanafanya utafiti wao Kisayansi mimi naamini Tanzania tungekuwa tumeshika nafasi bora zaidi.”

Dkt Mwakyembe ameeleza kuwa kauli zinazotolewa na baadhi ya watu kuwa Tanzania kuna ukandamizaji wa uhuru Vyombo vya Habari,si za kweli huku akisisitiza kwa kusema kuwa serikali imekuwa ikihamasisha uundwaji vyombo hivyo katika uwazi.