Kampuni ya Kubashiri ya Sportpesa yaendelea kumwaga vitita,safari hii ni zamu ya Singida United.

Kampuni ya Kubashiri ya SportPesa imeingia imeingia mkataba na timu ya Singida United ili kuidhamini timu hiyo,wawakilishi wa singida united waliokwenda kuweka sawa mambo mazima ya kukamilisha zoezi hilo,mmoja akiwa ni Katibu Mwenezi wa Singida United “Festo Sanga”na CEO wa SportPesa “Pavel Slavkov”.ambaye ametanabaisha kwamba Mkataba wa udhamini wa SportPesa na Klabu ya Singida United utakuwa ni wa mwaka mmoja na wenye thamani ya Shilingi milioni 250 za kitanzania.

Baada ya mkataba huu Singida United ya mjini Singida imeahidi kutumia fursa hiyo ya udhamini wa SportPesa vizuri kwa kuimarisha kikosi kila idara na kujitahidi kuchukua ubingwa msimu ujao ili waweze kushiriki Michuano ya kimataifa.

Kampuni ya SportPesa wameendelea kutumia nafasi ya makabidhiano na makubaliano hayo ya Mkataba wa udhamini kwa kuonesha mashabiki na wapenda michezo Jezi zitakazotumiwa na Singida United msimu ujao wa ligi kuu Tanzania bara.