Diamond Platnumz amekutana na wakati mgumu na kushindwa kuhudhuria mazishi ya Ivan,nchini Uganda.

Diamond Platnumaz weekend hii alishambuliwa na mashabiki wake katika mitandao ya kijamii kutokana na kitendo chake cha kufanya show nchini Kenya licha ya mama watoto wake, Zari kufiwa na mume wake huyo wa zamani.

Meneja wa msanii huyo, Sallam amesema kuwa  Diamond ameshindwa kuhudhuria mazishi hayo kutokana na ratiba kuingiliana.

“Kwenye mazishi hatujahudhuria, ilikuwa twende leo alfajiri lakini sasa kumbe wao wametoka usiku kwenda kijijini. Kwa hiyo nadhani ratiba yetu imeingiliana maana na sisi tulitoka Nairobi jana jioni.” Sallam alikiambia kipindi cha U-heard cha Clouds FM.

Aidha Sallam amekanusha taarifa za kwenye mitandao ya kijamii kwamba wameshindwa kuhudhuria mazishi hayo baada ya kuzuiwa airport kuingia nchini Uganga kutoka na ishu za usalama.Ameeleza kuwa  wao walitaka kuhudhuria mazishi hayo kwaajili ya kumpa pole Zari na wana familia wote.