Saida Karoli: Diamond na Belle 9 walisaidia nisirudi kijijini

Mwanamuziki huyo aliyejaliwa sauti yenye mvuto amedai kuwa baada ya Diamond na Belle 9 kuachia nyimbo zao walizotumia baadhi ya vionjo vya kwenye wimbo wake wa ‘Maria Salome’ ndipo akapata nguvu mpya ya kurudi muziki na kudhamiria kuimarisha kile kilichomo ndani yake.

Pia mwanamuziki huyo alidai kuwa lishaanza safari ya kwenda kuanza maisha mapya kijijini kwao.

“Nilishatamani kuacha muziki na nilishawahi kuhamisha baadhi ya vitu vyangu kurudi kijijini na ndiyo kipindi hicho hicho ambapo Diamond na Belle 9 walitoa nyimbo ya salome, na hatimaye wakanirudisha maana ilikuwa safari kabisa,” amekiambia kipindi cha XXL cha Clouds FM Ijumaa hii.