Mabadiliko kwenye bei ya mafuta nchini Tanzania.

Mamlaka ya Udhibiti wa Huduma za Nishati na Maji (Ewura) nchini Tanzania imetangaza bei mpya za mafuta ya petroli, dizeli na mafuta ya taa zitakazoaanza kutumika kuanzia leo.

Akitangaza bei hizo leo Meneja wa Mawasiliano wa Ewura Tanzania ,bwana Titus Kaguo aliwaambia wanahabari kuwa petroli imeshuka kwa Sh 3 na itauzwa kwa Sh 2057 kutoka 2060, huku dizeli ikipanda kwa Sh 12, kutoka Sh 1913 hadi 1925 na mafuta ya taa ni Sh 1958 kutoka1952

Bwana Titus Kaguo ameeleza kuwa "Mabadiliko haya kwenye bei kwa mafuta ya petroli na Dizeli yametokana na bei za mafuta hayo kubadilika kweye soko la dunia pamoja na mfumuko unaobeba gharama za usafirishaji ikilinganishwa na hapo kabla".