Timu ya mabingwa watetezi wa AFCON U17 ,Mali 17 wafuata nyayo za Serengeti Boys.

Timu ya taifa ya Mali walio mabingwa watetezi wa michuano ya AFCON U-17,imekuja na matokeo mazuri baada ya kukutana na Niger kwenye mchezo uliochezwa pale nchini Gabon kwenye michuano inayoendelea ndani ya uwanja wa Stade l'Amitie

Ambapo mali wamefanikiwa kuibuka kidedea kwa ushindi wa magoli 2-1,magoli yaliyofungwa na wachezaji Hadji Drame'7 Mohamed Camara'45,huku goli la Niger liliwekwa wavuni na Habibou Sofiane'36.

Kwa sasa mabingwa hawa watetezi timu ya Mali U17,wapo sawa na timu ya Taifa ya Tanzania “Serengeti boys” kutoka Tanzania kwa kila timu kujinyakulia pointi nne mkononi.

Ijapokuwa Serengeti Boys hata kama ikipata sare kwenye mchezo wao unaofuatia wanaweza kuvuka hatua nyingine lakini wanapaswa kuutazama ushindi kwa macho mawili ili kujiwekea rekodi nzuri kwenye michuano na uhakika mkubwa wa kusonga mbele.