Maandamano makubwa yameshamiri nchini Morocco.

Maandamano makubwa yajiri nchini Morocco ambapo mamia ya walioandamana wameonekana katika mitaa kadhaa maarufu kwenye mji mkuu wa nchi hiyo Rabat, huku kundi kubwa la waandamanaji likishamiri eneo la Kaskazini mwa nchi hiyo.

Hali ya sintofahamu imeendelea kuonekana ,huku wasi wasi ulioletwa na vurugu nje ya mji wa al-Hoceima,ambapo ilisemekana polisi walijaribu kumshikilia mwanaharakati maarufu Nasser Zefzafi anayedaiwa kuhusika katika kuvuruga ibada kwenye moja ya msikiti.

Hali ya maandamano ilionekana kushamiri tangu mwezi Oktoba mwaka jana baada ya mfanyabiashara maarufu wa samaki al-Hoceima aliyeuawa wakati akiwazuia maofisa wa serikali wasiharibu ghala la samaki wake.